Nimmissja l-futbol – Messagg ta’ kuragg minn Fr. Hilary

31 Mar Nimmissja l-futbol – Messagg ta’ kuragg minn Fr. Hilary

Meta kont tifel jien bil-bombi niżlin fuq rasna l-akbar qatla tiegħi kienet li rrid ninżel fix-xelter u nieqaf nilgħab il-ballun fit-triq!  Il-ballun kien taċ-ċarruta li konna nixtruh sold – (żgur inqas minn 50c.) minn għand il -Landiera !! Din kienet ħajjata prima imma iċ-ċraret tal-ħwejjeġ li kienet tħit, ma kinitx tarmihom imma tagħmel dawn il-blalen għalina u taqla xi haġa extra. Kien żmien ikraħ għalina u fit- tul ukoll, imma għal grazzja t’Alla għaddejnih u meta għaddiet il- gwerra 1940-44 stajna bil-mod il-mod niġu lura għan-normal.

F’dawn il-ġranet koroh li għaddejjin minnhom, kollox maghluq u aħna magħhom ġewwa ma stajtx ma niftakarx f’dawk iż-żmienijiet!  U ma kelnix mobile, la Tv l-anqas internet!!!!  Il qaghda kienet agħar millum!! Imma għaddejna minnha ukoll!

Qed niktbilkom biex tagħmlu kuraġġ !  Jien daqskom qed nimmissja l-futbol fuq it-TV.  Intom għalissa ma tistgħux tilagħbu l-anqas imma qisu li jkollkom ballun id-dar u anki fi spazju zgħir tista’ tħabbat il-ballun mal- ħajt u tikkontrolla. Tkissru xejn!! Tieqfux tilagħbu bil-ballun u fittxu anki spazju żgħir kif tista’ tipprattika il-kontroll tal-ballun waħdek. Hallik milll-Playstation!

Nappella lil kowcis u amministraturi tan-Nurseries tagħna biex jibqgħu f’kuntatt mal-players tagħhom permezz ta’ Facebook jew mezzi oħra ta’ komunikazzjoni.  Li jagħmlu kuraġġ lit-tfal li aħjar inbagħtu ftit issa u ngawdu l-baħar fis-Sajf li ġej u bidu ta’ staġun ġdid.

Kunu imberkin u itolbu ħafna ħalli id-dinja kollħa teħles minn dan il-virus qerriedi.

Fr. Hilary  

No Comments

Post A Comment